İsveç Ukraynaya tank və artilleriya qurğuları verir

İsveç parlamenti (Riksdaq) hökumətə Ukraynaya yeni hərbi yardım paketini yollamağa icazə verib. Paketə məşhur “Archer” özüyeriyən artilleriya qurğuları da daxildir.

APA-nın UNİAN-a istinadən verdiyi xəbərə görə, bu barədə parlamentin mətbuat xidməti məlumat yayıb.

Təxminən 630 milyon dollar dəyərində olan yeni yardım paketi İsveçin cari il üçün artıq təsdiqlənmiş büdcəsinə düzəlişlər edilib.

Bu paketin bir hissəsi kimi Ukrayna “Stridsvagn” tankları, “Archer” özüyeriyən artilleriya qurğuları, “MIM-23 Hawk” zenit-raket kompleksləri və sursatlar alacaq.