İyunun 13-15-də baş verən yol qəzaları

İyunun 15-də saat 1 radələrində Xəzər rayonunun Şüvəlan qəsəbəsində Yaqub Məmiyev idarə etdiyi “KİA” markalı avtomobili dairəyə vurub və nəticədə hadisə yerində ölüb.
Xəzər Rayon Polis İdarəsində araşdırma aparılır.

***

İyunun 15-də saat 1 radələrində Hacıqabul rayonunun Qarasu kəndində R.Məhərrəmov idarə etdiyi “Opel” markalı avtomobillə yolu keçən 35-40 yaşlı kişini vurub və nəticədə piyada hadisə yerində ölüb.
Baş İstintaq və Təhqiqat İdarəsi tərəfindən araşdırma aparılır.

***

İyunun 14-də saat 14 radələrində Göygöl rayonunun Hacıməlik qəsəbəsində Türkiyə vətəndaşı Mecit Bakir idarə etdiyi “Renault” markalı qoşqulu yük avtomobilini qarşıda gedən Gəncə şəhər sakini R.Abbasovun idarə etdiyi “KamAZ” markalı qoşqulu yük avtomobilinə vurub. Nəticədə M.Bakir hadisə yerində ölüb, digər sürücüyə isə xəstəxanada ilkin tibbi yardım göstərilib.
Baş İstintaq və Təhqiqat İdarəsi tərəfindən araşdırma aparılır.

***

İyunun 14-də saat 11 radələrində Qaradağ rayonunun Qızıldaş qəsəbəsində F.Xəlilovun idarə etdiyi “Howo” markalı avtomobil və Abşeron rayon sakini Ramin Eyvazovun idarə etdiyi motosiklet toqquşub. Nəticədə motiosikletçi hadisə yerində ölüb.
Baş İstintaq və Təhqiqat İdarəsi tərəfindən araşdırma aparılır.

***

İyunun 14-də saat 18 radələrində Xızı rayonunun Giləzi qəsəbəsində A.Ağayevin idarə etdiyi “Mercedes” və Xalidə Xəlilzadənin idarə etdiyi “Nissan” markalı avtomobillər toqquşub. Nəticədə X.Xəlilzadə və sərnişini Gülbəniz Qaçıyeva hadisə yerində ölüb, digər sərnişini isə xəstəxanaya yerləşdirilib.
Baş İstintaq və Təhqiqat İdarəsi tərəfindən araşdırma aparılır.

***

İyunun 13-də saat 23 radələrində Binəqədi rayonu Novxanı bağlar sahəsində M.Əhmədov idarə etdiyi “Hyundai” markalı avtomobili səkiyə vurub. Nəticədə xəsarətlə xəstəxanaya yerləşdirilən sərnişinlərindən biri – Fəxri Əhmədov orada ölüb.
Binəqədi Rayon Polis İdarəsində araşdırma aparılır.