Qorbaçov: SSRİ bərpa edilməyəcək, amma…

Keçmiş sovet respublikaları arasında əsl ittifaq artıq ola bilməz.

Bunu SSRİ-nin ilk və son prezidenti Mixail Qorbaçov “Komsomolskaya Pravda” qəzetinə müsahibəsində deyib.

“Rusiya, Ukrayna, Qazaxıstan və Belarus arasında vahid iqtisadi məkanın yaradılması ideyası var idi. Çox doğru yol idi. SSRİ-nin 80%-i idilər. Lakin artıq ona qayıtmaq mümkün deyil. Bu ölkə liderlərinin ambisiyaları və kaprizləri iqtisadi ittifaqı yaratmağa imkan vermədi”, – deyə o bildirib.

Qorbaçov Avrasiya İttifaqının və Kollektiv Təhlükəsizlik Müqaviləsi Təşkilatının gücləndirilməsi gərəkdiyini deyib. O vurğulayıb ki, Rusiya münasibətlərinin pis olduğu keçmiş SSRİ respublikaları ilə əlaqələri bərpa etməlidir:

“Avrasiya İttifaqı, KTMT mövcuddur. Bu təşkilatları gücləndirmək lazımdır. Hər şeyi etmək lazımdır ki, bizim aramızda ayrılıq yaradan respublikalarla münasibətləri bərpa edək. Belə proqram lazımdır”.

Mənbə
axar.az
Hamısını Göstər

Related Articles

Back to top button
Close