Vasif Talıbov oğlu ilə eyni vəzifəni daşıyacaq

Bildiyiniz kimi, ötən gün Naxçıvan Muxtar Respublikası (MR) Ali Məclisinin sədri Vasif Talıbov istefa verib. Onun vəzifəsi Naxçıvan Muxtar Respublikası Ali Məclisi sədrinin birinci müavini Azər Yadulla oğlu Zeynalova havalə edilib. 

V.Talıbov Naxçıvan MR-nın Ali Məclisinin sədri vəzifəsindən istefa versə də, onun deputat statusu hələ də qalır. Belə ki, Vasif Talıbov 1 saylı Şərur-Sədərək seçki dairəsindən deputat seçilib. O, artıq 6 çağırışdır ki, adıçəkilən dairədən deputat seçilir.

Vasif Talıbovun kiçik oğlu Seymur Talıbov isə Naxçıvan Ali Məclisinin deputatıdır. O, 25 saylı Naxçıvan şəhər seçki dairəsindən deputat seçilib.

Beləliklə, bundan sonra Vasif Talıbov və oğlu Seymur Talıbov eyni vəzifəni daşıyacaqlar.