Xocavəndin ucqar dağ kəndlərinə hərəkət edən Azərbaycan yük maşınları
Qarabağdakı Rusiya sülhməramlı qüvvələri Xocavəndin işğaldan azad edilmiş ucqar dağ kəndlərinə çətin keçilən dağ yolları ilə ağırtonnajlı Azərbaycan yük maşınlarının karvanını müşaiyət edib. Bu haqda Rusiya Müdafiə Nazirliyinin “Zvezda” telekanalı bildirir.
Məlumatda deyilir ki, Rusiya Müdafiə Nazirliyinin hərbi polisi sürücülərə və maşınlara baxış keçirib, daha sonra tikinti materialları və ərzaq daşıyan ağırtonnajlı yük maşınlarından ibarət 6 karvanı Laçın dəhlizi ilə şimal və cənub istiqamətlərində, o cümlədən Qırmızı Bazar-Şuşa istiqamətində və geriyə müşaiyət edib.