Xaçmazda saxlanılan 2 nəfərdən heroin və psixotrop maddə götürülüb
Xaçmaz Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı keçirilən əməliyyatlar zamanı rayon sakinləri Əziz Mahmudov və Elxan Şahgəldiyev saxlanılıblar.
Daxili İşlər Nazirliyinin Mətbuat Xidmətinin Quba regional qrupundan Polise.az-a verilən məlumata görə, onlardan heroin və psixotrop maddə metamfetamin aşkarlanıb.
Əziz Mahmudov və Elxan Şahgəldiyev barəsində həbs qətimkan tədbiri seçilib.
Araşdırmalar davam etdirilir.
Polise.az
