Bank kartlarından dələduzluq yolu ilə pul vəsaitini talayan şəxs saxlanılıb

Suraxanı Rayon Polis İdarəsinin 30-cu polis şöbəsinə müxtəlif vaxtlarda 8 nəfərin bank kartından 850, 184, 1000, 400, 481, 2000, 200 və 205 manat olmaqla, ümumilikdə, 5320 manat pul vəsaitinin talanması barədə məlumat daxil olub.

Daxili İşlər Nazirliyinin mətbuat xidmətindən  Polise.az-a verilən məlumata görə, şöbə əməkdaşlarının keçirdikləri tədbirlər nəticəsində cinayət əməlləri törədən əvvəllər dələduzluq və quldurluğa görə məhkum olunmuş 39 yaşlı Elşad Fəttahov saxlanılıb.

Faktlarla bağlı istintaq-əməliyyat tədbirləri davam etdirilir.

Onun əməllərindən zərərçəkən digər şəxslər varsa, bu barədə polis orqanlarına müraciət edə bilərlər.

Polise.az