225 nömrəli məktəbdə jurnalistlərə hücum hadisəsi ilə bağlı iradlar səsləndirilib DETALLAR + FOTO

Məktəbin ərazisində çəkiliş aparan jurnalistlər bir qrup gəncin hücumuna məruz qalıblar. Hücuma məruz qalanlar arasında “Real TV”nin əməkdaşları da olub.

Polise.az  xəbər verir ki, hadisə ilə bağlı “Real TV”nin əməkdaşı Mahir Məmmədli jurnalist həmkarına hücum edən şagirdlər barədə paylaşım edib.

O bildirib ki, həmin şagirdlərdən biri iki il eyni sinifdə qalıb. O, paylaşımında məktəblərdə vahid geyim qaydalarına əməl olunmamasını da tənqid edib:

“Bakı Şəhər Təhsil İdarəsi jurnalistlərə xəbər hazırlamağı öyrədir. Amma görüntülərə baxdıqda məlum olur ki, şagirdlər vahid geyim qaydasını pozurlar. Bu qırmızı gödəkçəli şagird iki il sinifdə qalıb və hələ də 225 saylı orta məktəbin şagirdi sayılır. Hanı məktəb forması? Təhsil idarəsi bizə dərs keçməkdənsə, məktəblərə nəzarət eləsə, daha yaxşı olar”.