Meksikada şəhər inzibati binasına hücum olub, mer daxil olmaqla 18 nəfər öldürülüb.
Meksikanın cənub-qərbindəki Gerrero ştatında kiçik San Migel Totolapan şəhərinin inzibati binasına hücum olub.
İlkin məlumatlara görə, hücumu “Tequileros” mütəşəkkil cinayətkar qruplaşmasının üzvləri təşkil edib.
“El-Universal” qəzeti xəbər verir ki, mer Konrado Mendoza Almeda, atası və bir neçə polis də daxil olmaqla azı 7 nəfər həlak olub.
Meksikanın cənub-qərbində Gerrero ştatının San Migel Totolapan kəndində ölənlərin sayı 18-ə çatıb.
Bu barədə “La Jornada” qəzeti məlumat yayıb.
Bu hücum zamanı 16 nəfər həlak olub, daha iki nəfər isə ağır yaralanıb.
“Causa en Comun” qeyri-hökumət təşkilatının məlumatına görə, 2018-ci ilin dekabrından 2022-ci ilin aprelinə qədər Gerreroda 100-dən çox polis öldürülüb.