Rusiyanın ən təhlükəli triosu: ABŞ-ı qorxudan helikopterlər
Amerikalı mütəxəssislər Rusiyanın ən təhlükəli helikopterlərinin adını açıqlayıb.
Bunlar “Ka-52 Alliqator”, Mi-28HM və Mi-24 helikopterləri olub.
Mütəxəssislər bildiriblər ki, “Alliqator”ların sahib olduğu sistemlər onları xarici analoqlarından fərqləndirir. Bu sistemlər helikopterin daha səssiz və kompakt olmasını təmin edir. Bundan əlavə K-52-lər ağır silahları – X-31 qanadlı raketlərini, həmçinin “Ataka” və “Vixr” raketlərini daşıya bilir.
“Gecə ovçusu” adlandırılan “Mi-28H helikopterinin isə P-74M sistemləri ilə təchiz olunmuş raketlərlə təchiz olunub. Bu raketlər sözügedən texnikaya analoqları ilə döyüş şəraitində əhəmiyyətli üstünlük verir.
Amerikalı ekspertlər hesab edir ki, Mi-24 helikopterləri hələ Soyuq müharibə dövründən indiyə qədər dünyanın ən yaxşı texnikalarından sayılır. Helikopterin uçuş xüsusiyyətləri ona piyadalar və zirehli texnika ilə birgə yerə çox yaxın manevr etmək imkanı verir.
