Koronavirus bu rayonda sürətlə yayılır
Azərbaycanın regionlarında xüsusi karantin rejimi çərçivəsində tətbiq edilən bəzi məhdudiyyətlər aradan qaldırıldıqdan sonra bir-neçə rayonda infeksiyaya yoluxma hallarında artım müşahidə olunub.
Burada Kürdəmir rayonunu xüsusilə qeyd etmək lazımdır. Təkcə son iki gündə rayonun Sığırlı kəndində 13 nəfərin koronavirus testi müsbət nəticələnib. Onların içərisində 1 yaşlı körpə də var.
Rayon üzrə son 24 saat ərzində ümumilikdə 8 nəfərdə COVID-19 aşkarlanıb.
Bununla da Kürdəmirdə yeni növ koronavirus infeksiyasına yoluxanların sayı 61 nəfərə çatıb. COVID-19 daşıyıcıları arasında ölən yoxdur.
